ಬರೆಯದ ಗೀತೆ

ಹಾಡ ಮರೆತ ವೇಳೆಯಲ್ಲಿ
ಹುಟ್ಟಿದಂತ  ಹಾಡಿದು 
ಭಾವನೆಗಳೇ ಇಲ್ಲದೇನೆ 
ಗೀಚಿದಂತ  ಸಾಲಿದು 
            ತಂತಿ ಮುರಿದ ವೀಣೆಯಿಂದ 

ಹೊರಳಿದಂತ ಸ್ವರವಿದು 

ಚಂದಮಾಮನಿರದ ಬಾನ

ನೋಡಿ ಉಲಿದ ಪದವಿದು 

 ಬರೆಯಲಾಗದಂತ ಹಾಡೇ 
ಸ್ಫೂರ್ತಿ ಈ ಹಾಡಿಗೆ 
ಬರದ ಸ್ವರಗಳಲ್ಲಿ ಹಾಡಿ 
ಕೇಳಿಸಲಿ ಯಾರಿಗೆ 
            ಹಾಡುತ್ತಿದ್ದ ಕೋಗಿಲೆಯದು 

ಕೇಳಿ ಈ ಹಾಡನು 

ಹಾಡುವುದನು ಮರೆತು ಮತ್ತೆ 

ಹಿಡಿಯಿತು ಮೌನದ ಜಾಡನು 

 ತೇಲಿ ಬರಲು ಈ ಹಾಡು 
ಮಂದ ಮಾರುತ ಸೋತಿತು 
ಸುಡುವ ಸೂರ್ಯ ತೆರೆಗೆ ಸರಿದ 

ಮತ್ತೆ ಕತ್ತಲಾಯಿತು