ಒಂದು ಮುಸ್ಸಂಜೆ ಹೊತ್ತು
ಮಂಜು ಹನಿಯುತ್ತಿತ್ತಾಗ
ನಕ್ಷತ್ರವನರಸಲು ಹೊರಗೆ ಬಂದೆ
ಆಗಸದಲಿ ಕಂಡುದು ಚಂದ್ರನೊಂದೇ
ಮತ್ತಾರದೋ ಮದುವೆ ಸಂಭ್ರಮದಲ್ಲಿ
ಯಾವ ನಕ್ಷತ್ರದ ಹುಟ್ಟು ಹಬ್ಬವೋ ಇಂದು
ಆಕಾಶ ತೊರೆದಿವರು ಹೊರಟುದೆಲ್ಲಿ
ಮಳೆಯಾಗ ನಿಂತಿತ್ತು, ಮಂಜೆಲ್ಲ ಕರಗಿತ್ತು
ತಾರೆ ತೋರಣವೊಂದು ಮಿನುಗುತ್ತಿತ್ತು
ಮೆಲ್ಲ ಜಾರುತಲೊಂದು ತಾರೆ
ಆಕಾಶದಿಂ ಭುವಿಗೆ ಜಾರಿ ಬಿತ್ತು
ಹಿರಿಯನೊಬ್ಬನನು ಅಗಲಿದ ನೋವಿಗೇನೋ
ಸುರಿಸಿದವು ಮತ್ತೆ ಅಶ್ರು ಪುಷ್ಪ
ಮನವಾಗ ಮುದುಡಿತು, ಮಳೆ ಮೈಯ ನೆನೆಸಿತು
ನೆನೆದು ನಕ್ಕಿತು ಮನ ವಿಧಿಯ ಕಲ್ಪ