ಜಿನುಗುವ ತುಂತುರು ಹನಿಗಳಲಿ
ಗೀತೆಯ ಗುನುಗುತ ಪ್ರೀತಿಯಲಿ
ತೋಚಿದ ಸ್ವರಗಳ ಬಾಚುತಲಿ
ಪದ ಹುಡುಕಿದೆ ನಿನ್ನಾ ಕಣ್ಗಳಲಿ
ಚುಕ್ಕಿಗಳಿಡದೆಯೆ ರಂಗೋಲಿ
ಬಿಡಿಸುತ ನಿನ್ನಯ ಹೃದಯದಲಿ
ಬಣ್ಣವ ತುಂಬುವ ತವಕದಲಿ
ಕಾದಿಹೆ , ತುಸು ನಾಚಿಕೆ ಕಣ್ಣಲ್ಲಿ
ಭೂಮಿಗೆ ಎರಗಲು ಮೊದಲ ಮಳೆ
ಮಣ್ಣ ಸುಗಂಧದ ಚಂದ ಸೆಲೆ
ನಾ ಇಳೆ , ನೀ ಮಳೆ, ಬಾ ಒಮ್ಮೆಲೆ
ಹೊಮ್ಮಿಸಿ ನನ್ನಲಿ ಹೊಸತು ಕಳೆ
ಕೃಷ್ಣನ ಕೊಳಲಿನ ದನಿಯ ಪರಿ
ಕಾಡಿಸಿ ನನ್ನನು ಕೂಗಿ ಕರಿ
ಮಾತಲಿ ಒಲವಿನ ಮಧುವ ಸುರಿ
ಜಗವೆಲ್ಲವನು ಮರೆಸಿ ಮರಿ
No comments:
Post a Comment