ಸುಕ್ಕುಗಟ್ಟಿದ
ಕೆನ್ನೆ, ಹೆರಳು ಕಾಣದು ಎಣ್ಣೆ
ಅವನ
ಬದುಕಿಗೆ ಸಾಕ್ಷಿ ಬರಿಯ ನಿನ್ನೆ
ಮೊನ್ನೆಯೆಂಬುದೂ
ನಿನ್ನೆ, ನಿನ್ನೆಯೆಂದರು ನಿನ್ನೆ
ನಾಳೆಯೆಂಬುದು
ಅವಗೆ ಬರಿಯ ಸೊನ್ನೆ
ಮನಸು
ಎಂಬುದು ಒಂದು ಇದೆಯೆಂಬುದನು ಬಲ್ಲ
ಎಲ್ಲಿರುವುದೆಂಬುದರ
ಪರಿವೆಯಿಲ್ಲ
ರಾತ್ರಿ
ಹಗಲುಗಳಲ್ಲಿ ಭೇದ ಹೆಚ್ಚಿರಲಿಲ್ಲ
ಹಗಲು
ಬಾನದು ಚೊಕ್ಕ ಚುಕ್ಕೆಯಿಲ್ಲ
ದೇವಮಂದಿರದೆದುರು
ಜೀವಮಂದಿರ ಹೊರೆಯೆ
ಕಾದಿಹುದು
ಬಡಜೀವ ತಗಡುತಟ್ಟೆ
ಒಳಗಿರುವ
ಪರಮಶಿವ ಪರಿಪರಿಯಲೀ ಮೀಯೆ
ಬೆನ್ನಿಗಂಟಿತ್ತಿಲ್ಲಿ
ಬಡವನ್ಹೊಟ್ಟೆ
ಕತೆಯಲ್ಲಿ
ಕಂಡರಿತ ತಿರುಕನಂತಿವನಲ್ಲ
ಹಗಲು
ಗನಸಿರಲಿಲ್ಲ ವಯಸು ಇಲ್ಲ
ಅಡಿಗಡಿಗೆ
ಕೂಡಿಡುವ ಅನಿವಾರ್ಯತೆಯು ಇಲ್ಲ
ತಲೆಯೂರೆ
ನಿದಿರೆಗೆ ಕೊರತೆಯಿಲ್ಲ
ಹಗಲು
ಕಂಡಿಹ ಹಾದಿಯಲಿ ಇರುಳು ನಡೆದಿರಲು
ಮೌನ
ಎದುರಲಿ ಇತ್ತು, ಮಸಣವಿತ್ತು
ಮಸಣದಾ
ಮನೆಯೊಳಗೆ ಜೀವ ಬತ್ತುತ ಬಿತ್ತು
ಹಳೆ
ತಿರುಕನಾ ಗೋರಿ ಕೆಲದಲಿತ್ತು
ಧನ್ಯವಾದಗಳು,
ಭವ್ಯ
No comments:
Post a Comment